پاکستان اور ویسٹ انڈیز کے درمیان ٹی ٹوئنٹی سیریز کے لئے ٹریفک پلان جاری

کراچی : پی ایس ایل فائنل کی طرح پاکستان اور ویسٹ انڈیز کے درمیان ٹی ٹوئنٹی سیریز کے لئے بھی ٹریفک پلان جاری کردیا گیا، شائقین کےلیے7مقامات پرپارکنگ کا انتظام کیا گیا ہے۔

تفصییلات کے مطابق پاک ویسٹ انڈیز ٹی20سیریز  یکم سے3اپریل تک کراچی کے نیشنل اسٹیڈیم میں کھیلی جائے گی، جس کے لئے نیشنل اسٹیڈیم جانے والوں شائقین کے لئے ٹریفک پلان مرتب کر لیا گیا ہے۔

جس کے مطابق شائقین کےلیے7مقامات پر پارکنگ کا انتظام کیا گیا ہے ، یونیورسٹی روڈ، ڈالمیا روڈ اور کشمیر روڈ پر تین تین پارکنگ لاٹس ہوں گے، یونیورسٹی روڈ پر حکیم سعید، اردو یونیورسٹی اور اتوار بازار گراؤنڈ شامل ہیں۔

پلان کے مطابق ڈالمیا روڈ پر غریب نوازفٹبال گراؤنڈ میں پارکنگ ہوگی، کشمیرروڈ پر کے ایم سی، کے ڈی اے ،چائنا گراؤنڈ میں پارکنگ کا انتظام ہوگا۔

ضلع وسطی اور غربی کے رہائشی نیپا اور لیاقت آباد سے اسٹیڈیم پہنچیں گےجبکہ شرقی، ملیر کے رہائشی ڈرگ روڈ، راشد منہاس روڈ سے ڈالمیا کا روٹ استعمال کریں اور جنوبی،غربی کےرہائشی شارع قائدین سوسائٹی سگنل سے پارکنگ تک پہنچیں گے۔

ٹریفک پلان کے مطابق سات سے زائد مقامات پرٹریفک کا داخلہ سختی سے ممنوع ہوگا، شارع فیصل حبیب ابراہیم روڈ سے سرشاہ سلیمان روڈ عام شہریوں کیلئے بند ہوگا، نیپا سے پی پی چورنگی بھی عام شہریوں کیلئے بند ہوگی، کشمیرروڈسےجیل چورنگی فلائی اوورتک عام عوام کاداخلہ ممنوع ہوگا۔

سرشاہ سلیمان روڈ پرلیاقت آباد نمبر10سےاسٹیڈیم جانےکی اجازت نہیں ہوگی، سہراب گوٹھ سےنیپا،لیاقت آبادنمبر10حسن اسکوائر تک ہیوی ٹریفک بندہو ہوگی، شہری اپنی گاڑیاں سروس یامین روڈپرکھڑی نہ کریں، تمام پارکنگ مقامات سے شہریوں کو بذریعہ شٹل ایکسپو سینٹر تک لایا جائے گا۔

ڈی آئی جی ٹریفک عمران یعقوب کا کہنا ہے کہ روزہ سیریزکےدوران شہری متبادل راستہ اختیارکریں، سیکیورٹی فول پروف بنانے کے لئے انتظامات کیے جارہے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Source link

اپنا تبصرہ بھیجیں