نواز شریف جمہوریت کو اقتدا اور جائیداد کے لیے استعمال کرتے ہیں: فواد چوہدری

اسلام آباد: پاکستان تحریک انصاف کے ترجمان فواد چوہدری نے کہا ہے کہ ووٹ کو عزت دینے کے ساتھ ووٹر کو بھی عزت دینی ہوگی، نواز شریف جمہوریت کو اقتدار اور جائیداد کے لیے استعمال کرتے ہیں۔

ان خیالات کا اظہار انہوں نے میڈیا سے بات چیت کرتے ہوئے کیا، نواز شریف کے بیان پر درعمل دیتے ہوئے فواد چوہدری کا کہنا تھا کہ نواز شریف 1985 کے بعد منتخب حکومتوں کے خلاف سازشوں کا مہرہ رہے ہیں، ان کی مرضی کے مطابق فیصلے نہ ہوں تو جمہویت کے خلاف سازش کہتے ہیں۔

انہوں نے کہا کہ نواز شریف نے عوامی نمائندوں اور ووٹروں کو مہرے کے طور پر استعمال کیا شریف خاندان مال بنانے کے لیے اقتدار میں آتے ہیں، مال بنانے میں رکاوٹ ڈالی جائے تو کہتے ہیں جمہوریت خطرے میں ہے، مسلم لیگ (ن) کے لئے ووٹ گننے والا اہمیت رکھتا ہے ووٹ ڈالنے والا نہیں۔

اسلام آباد : ووٹ کوعزت نہ ملی تو ملک مسائل میں گھرا رہے گا، نوازشریف

ترجمان پی ٹی آئی کا کہنا تھا کہ ماضی کی تلخ تاریخ میں نوازشریف کا اپنا بہت کردار رہا ہے، انہیں اپنے ماضی کے کردار پر عوام سے معافی مانگنی چاہیے، نواز شریف آج تک کوئی بھی الیکشن بغیر دھاندلی نہیں جیتے، تاریخ میں شرمناک واقعات کےاصل کردار نوازشریف رہے ہیں۔

چیئرمین سینیٹ سے متعلق فواد چوہدری کا کہنا تھا کہ حاصل بزنجو جمہوریت کی چلتی پھرتی تصوریر ہیں، لیکن مخالفین کی جانب سے شدید تنقید کا نشانہ بنایا گیا، کچھ لوگ نہیں چاہتے تھے کہ چیئرمین سینیٹ حاصل بزنجو بنیں۔

مریم بی بی اور ان کے بھائیوں نے اپنے والد کی مدد سے اربوں روپے چرائے: فواد چوہدری

ان کا مزید کہنا تھا کہ سیاسی جماعتوں کا اسٹرکچر سب سے بڑا مسئلہ ہےجس کا تعلق فنڈنگ سے ہے، جبکہ دوسری جانب جہانگیر ترین نے اپنے خلاف فیصلے کو قبول کیا اور جنرل سیکریٹری کے عہدے سے مستعفیٰ بھی ہوئے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Source by [author_name]

اپنا تبصرہ بھیجیں