دونوں ممالک کے شہری کرکٹ کی بحالی چاہتے ہیں، بھارتی ہائی کمشنر

لاہور : بھارتی ہائی کمشنر اجے بساریہ کا کہنا ہے کہ ماضی بھلا کر آگے بڑھا جائے، دونوں ممالک کے شہری کرکٹ کی بحالی چاہتے ہیں۔

تفصیلات کے مطابق بھارتی ہائی کمشنر اجے بساریہ نے لاہور چیمبرآف کامرس کا دورہ کیا، اس موقع پر بھارتی ہائی کمشنر نے کہا کہ ماضی بھلا کر آگے بڑھا جائے، 70 سال سے اپنائی گئی پالیسی سے کسی کو فائدہ نہیں، اب نوجوانوں کے بھارت اور پاکستان کو آگے بڑھنا ہے۔

بھارتی ہائی کمشنر کا کہنا تھا کہ نوجوان نسل ماضی کی تلخیوں سے دور ہے، تمام مشکلات کے باوجود تجارت بڑھانے پر بات کرنے کی ضرورت ہے۔ غربت، پسماندگی اور ناخواندگی دونوں ممالک کے مسائل ہیں۔

کرکٹ کے حوالے سے بات کرتے ہوئے اجے بساریہ نے کہا کہ دونوں اطراف کے حالات سازگار ہوتے ہی کرکٹ بھی بحال ہو جائے گی، دونوں ممالک کے شہری کرکٹ کی بحالی چاہتے ہیں۔

ان کا کہنا تھا کہ بھارت میں پاکستانی ہائی کمشنر کو ہراساں کرنے کے حوالے سفارتی سطح پر بات چیت جاری ہے، دونوں ممالک کو ٹرانزٹ اور روابط کو بہتر کرنا چاہیئے۔

بھارتی ہائی کمشنر نے میڈیا پر زور دیتے ہوئے کہا کہ میڈیا کا کردار بہت اہم ہے، حقیقت سے ہٹ کر رپورٹنگ کرنے سے مسائل بڑھتے ہیں، پانی کے مسئلے پر دونوں ممالک کے اعلی حکام کے مابین بھارت میں بات چیت ہو رہی ہے۔

اجے بساریہ کا کہنا تھا کہ دونوں ممالک کے تاجروں کو ویزا کے حوالے سے کئی رکاوٹوں کا سامنا ہے، پرامن مستقبل کے لئے مل کام کرنا ہوگا، ورلڈ بینک کے مطابق باہمی تجارت30ارب ڈالرتک ہوسکتی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Source by [author_name]

اپنا تبصرہ بھیجیں