تحریک انصاف کے رکن اسمبلی مسلم لیگ ق میں شامل

لاہور: پاکستان تحریک انصاف کے رکن صوبائی اسمبلی (خیبرپختونخواہ) جاوید نسیم نے چوہدری برادران سے ملاقات کے بعد پاکستان مسلم لیگ ق میں شمولیت کا اعلان کردیا۔

تفصیلات کے مطابق پاکستان تحریک انصاف کے موجودہ رکن اسمبلی خیبرپختونخواہ اور پارلیمانی سیکریٹری جاوید نسیم نے ساتھیوں سمیت پی ٹی آئی چھوڑ کر مسلم لیگ ق میں شمولیت کا اعلان کیا۔

مسلم لیگ ق کے صدر و سابق وزیراعظم چوہدری شجاعت حسین اور چوہدری پرویز الٰہی نے جاوید نسیم کا خیر مقدم کرتے ہوئے اُن کو ساتھیوں سمیت پارٹی میں شامل ہونے پر مبارک باد پیش کی۔

اس موقع پر میڈیا سے گفتگو کرتے ہوئے چوہدری پرویز الٰہی کا کہنا تھا کہ ’مسلم لیگ ایک ایسا پلیٹ فارم ہے جس کے دروازے مسلم لیگ ن سمیت دیگر جماعتوں سے تعلق رکھنے والے اراکین کو  خوش آمدید کہنے کے لیے ہمیشہ کھلے ہوئے ہیں‘۔

مزید پڑھیں: اقرار کرتا ہوں ہم بہت پارسا نہیں ہیں: چوہدری شجاعت

اُن کا کہنا تھا کہ ہم نے نیک نیتی سے جمہوریت اور ملک کے لیے کام کیا اور آئند بھی کرتے رہیں گے، آئندہ انتخابات سے قبل ہم نے اپنے دروازے تمام لوگوں کے لیے کھول دیے اور یقین دلاتے ہیں کہ پارٹی میں شمولیت کرنے والوں کو عزت و احترام ملے گا۔

چوہدری پرویز الٰہی کا مزید کہنا تھا کہ پنجاب میں ہم نے پانچ سال حکومت کی اور عوام کو سہولیات بھی فراہم کیں، ہمارے دورِ حکومت میں عام اور غریب آدمی کا کوئی فرق نہیں تھا کیونکہ ہم کسی بھی قسم کی تفریق پر یقین نہیں رکھتے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Source by [author_name]

اپنا تبصرہ بھیجیں