بلوچستان 8 ممالک سے تجارت کرنے میں معاون ہوسکتا ہے: مشیر قومی سلامتی –

اسلام آباد: مشیر قومی سلامتی ناصر جنجوعہ کا کہنا ہے کہ بلوچستان کو صنعتی شعبہ قرار دیا جائے۔ بلوچستان 8 ممالک سے تجارت کرنے میں معاون ہوسکتا ہے۔

تفصیلات کے مطابق مشیر قومی سلامتی ناصر جنجوعہ نے وفاقی دارالحکومت اسلام آباد میں سیمینار سے خطاب کرتے ہوئے کہا کہ بلوچستان کا امن پاکستان کا امن ہے۔ عالمی امن کے لیے پاکستان کا امن ضروری ہے۔

ان کا کہنا تھا کہ بلوچستان میں جھنڈے جلانے سے جھنڈے لہرانے تک کا سفر طے کیا۔ دہشت گردی کی جنگ میں پاکستان نے اپنے وسائل سے زیادہ خرچ کیا۔ عالمی برادری پاکستان کا ساتھ دے۔

انہوں نے کہا کہ فاٹا، بلوچستان اور کراچی میں ہماری صلاحیت اور طاقت کو ٹارگٹ کیا گیا۔

مشیر قومی سلامتی کا کہنا تھا کہ پاکستان مواقعوں کی زمین ہے، سرمایہ کار فائدہ اٹھائیں۔ پاک چین اقتصادی راہداری خطے میں امن اور خوشحالی کے لیے ضروری ہے۔

انہوں نے کہا کہ بلوچستان کو صنعتی شعبہ قرار دیا جائے۔ بلوچستان 8 ملکوں سے تجارت کرنے میں معاون ہوسکتا ہے۔ ’بلوچستان میں ہوا اور سورج سے بجلی بنانے کی زیادہ صلاحیت ہے اور یہاں 4 بڑے شہر بنانے کی ضرورت ہے‘۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Source by [author_name]

اپنا تبصرہ بھیجیں