ایپل کمپنی فولڈ ایبل آئی فون متعارف کرائے گی apple foldable iPhone

کیلیفورنیا: مشہور معروف کمپنی ایپل آئی فون ایکس کے بعد اب 2020 میں نیا فون متعارف کرانے کا ارادہ رکھتی ہے جس کو فولڈ ایبل آئی فون کا نام دیا گیا ہے۔

ایپل کمپنی کی کوشش ہے کہ آئی فون کو منفرد بنانے کے لیے اس میں پہلی بار فولڈ ایبل آئی ٹیکنالوجی متعارف کروائی جائے، جس کے لیے ایپل نے ایشیا کی ٹیکنالوجی کمپنیز سے مذاکرات کا آغاز کردیا ہے، ایپل فولڈ ایبل آئی فون میں او ایل ای ڈی ٹیکنالوجی کو برقرار رکھا جائے گا۔

امریکی میڈیا رپورٹس کے مطابق ایپل یہ فون ایشیاء کے مختلف شراکت داروں کے ساتھ مل کر تیار کرے گا، خیال کیا جارہا ہے کہ ایپل کورین کمپنی ’ایل جی‘ سمیت چین کی متعدد کمپنیوں کے ساتھ کام کرنے کا ارادہ رکھتا ہے۔

ممکنہ طور پر یہ ایپل کا سب سے سستا ترین فون ہوگا جسے بجٹ فون بھی کہا جارہا ہے، اگر چہ اس فون کے حوالے سے زیادہ تر تفصیلات سامنے نہیں آئی ہیں تاہم امکان ہے کہ اس کی قیمت 220 امریکی ڈالر یعنی پاکستانی 22 ہزار روپے سے زائد رکھی جائے گی۔

واضح رہے کہ سام سانگ کمپنی بھی فولڈ ایبل اسمارٹ فون بنانے پر کام کررہی ہے اور آئندہ سال اسے لانچ کرنے کا اعلان بھی کرچکی ہے۔

خیال رہے کہ معروف امریکی ٹیکنالوجی کمپنی ایپل کے آئی فون اپنی مثال آپ ہیں، ساتھ ہی اسے دنیا کا پہلا جدید اسمارٹ فون متعارف کرانے کا کریڈٹ بھی جاتا ہے۔

یاد رہے کہ ایپل کمپنی نے اس بات کا اعتراف کیا تھا کہ انتظامیہ خود پرانے فونز کی رفتار کو کم کرتی ہے، صارفین کا کہنا تھا کہ انتظامیہ اس اقدام کا مقصد نئے موبائل فون کی فروخت میں اضافہ کرنا ہوتا ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Print Friendly, PDF & Email

Source link

اپنا تبصرہ بھیجیں