آئندہ بجٹ میں سرکاری ملازمین کے لیے خوشخبری –

اسلام آباد: آئندہ مالی سال کے بجٹ میں سرکاری ملازمین کی تنخواہوں اور پنشن میں 15 سے 20 فیصد تک اضافہ متوقع ہے۔

تفصیلات کےمطابق آئندہ مالی سال کے لیے بجٹ کی تیاریاں زور شور سے جاری ہیں۔

مالی سال 19-2018 کے بجٹ میں سرکاری ملازمین کی تنخواہوں، پنشن، ملازمین کو دفتری اوقات کے بعد ڈیوٹی دینے پر ملنے والے الاﺅنس، گھر کا کرایہ اور دیگر مراعات میں اضافے کی تجاویز زیر غور ہے۔

وزارت خزانہ کے ذرائع کے مطابق آئندہ بجٹ میں ملازمین کی تنخواہوں میں 15 فیصد ایڈ ہاک ریلیف، الاﺅنس اور پنشن میں 20 فیصد تک اضافے کا امکان ہے۔ سرکاری ملازمین کا لیٹ سٹنگ اور میڈیکل الاﺅنس بھی بڑھانے کی تجویز زیر غور ہے۔

ذرائع کے مطابق رواں مالی سال دیے گئے عبوری اضافے کو تنخواہوں میں ضم کیے جانے کا بھی امکان ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Source link

اپنا تبصرہ بھیجیں