امریکی حکومت نے ویزا شرائط مزید سخت کرنے کی تیاری کرلی US visa

واشنگٹن: امریکی حکومت نے ویزا شرائط کو مزید سخت کرنے کے لیے کمر کس لی ہے، امریکی ویزا اپلائی کرنے والوں کو اب اپنا سوشل میڈیا اکاؤنٹس کی تفصیلات اور ای میل اکاؤنٹس کے ساتھ ساتھ پرانے فون نمبرز بھی مانگے جائیں گے۔

امریکی میڈیا کے مطابق نئی ویزا پالیسی سے پندرہ ملین افراد متاثر ہوں گے اور اس بارے میں جلد احکامات صادر کئے جائیں گے، امریکی دفتر خارجہ کا کہنا ہے کہ نئی پالیسی کے لیے عوامی رائے حاصل کی جائے گی، اس سے پہلے صرف ان افراد سے یہ معلومات حاصل کی جاتی تھیں جن کی کڑی جانچ پڑتال کے لیے نشاندہی کی گئی ہو، ان افراد کی تعداد 65 ہزار سالانہ بتائی جاتی ہے۔

امریکی ویزا کے لیے اپلائی کرنے والوں سے پانچ سال پرانی سوشل میڈیا اکاؤنٹس کی معلومات، ای میل ایڈریس اور پرانے فون نمبرز حاصل کئے جائیں گے، اس کے علاوہ دیگر ممالک میں سفر کرنے کا پرانا ریکارڈ بھی درکار ہوگا۔

امریکی دفتر خارجہ نے واضح کیا ہے کہ نئی ویزا شرائط پر برطانیہ، فرانس، آسٹریلیا اور جاپان جیسے ممالک کے شہری جن کو ویزا کے بغیر امریکا سفر کرنے کی اجازت حاصل ہے اس پالیسی سے متاثر نہیں ہوں گے۔

واضح رہے کہ اس سے قبل امریکا میں داخلے کی پابندی کا شکار چھ مسلمان ملکوں کے لیے ٹرمپ انتظامیہ نے نئی شرائط جاری کی تھیں، ویزا پابندی کا سامنا کرتے چھ ملکوں کے وہ شہری جن کے رشتے دار امریکا میں رہائش پذیر ہیں وہ ویزا درخواست دے سکتے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

Print Friendly, PDF & Email

Source link

اپنا تبصرہ بھیجیں